Ռուբինե Հովհաննիսյանը ծնվել է Երևանում 1957թ:
 1979թ-ին ավարտել է Երևանի պետական գեղարվեստա-թատերական ինստիտուտը:  1982թ-ին նա կատարել է իր առաջին մասնագիտական աշխատանքը և հաջողությամբ ավարտին է հասցրել ‹‹Անուշ›› ֆիլմ-օպերայի զգեստների ձևավորումը և ապա, 1991թ.-ին  աշխատել է նաև ‹‹Ձայն բարբարո›› ֆիլմի վրա:

1986 – 1988թթ.-ին  վերապատրաստվել է Մոսկվայում, Պետական Ակադեմիական Մեծ թատրոնում` որպես բեմանկարիչ:

1988թ.-ին դարձել է Հայաստանի նկարիչների միության Յունեսկոյի ‹‹Արվեստի միջազգային ասոցացիայի›› անդամ:

Հայաստանի պարարվեստի ‹‹Բարեկամություն›› անսամբլի ստեղծման օրվանից մինչ այսoր, Ռուբինե Հովհաննիսյանը աշխատում է ‹‹Բարեկամություն›› անսամբլում և ստեղծագործում գեղարվեստական ղեկավար` Նորայր Մեհրաբյանի կողքին:

Նրա աշխատանքները տարբերվում են իրենց բացառիկ շքեղությամբ:  ‹‹Բարեկամություն›› անսամբլի համար կատարած իր բոլոր աշխատանքները ինքնատիպ են, նրանցից կարելի է հատուկ ընդգծել  ‹‹Աշխարհումս››, ‹‹Ուզունդարա››, ‹‹Վարդագույն աղջիկներ››, ‹‹Ծիրանի ծառ›› պարերի և ‹‹Լոռեցի Սաքոն›› մեկ ակտանի խորեոգրաֆիկ ներկայացման զգեստները:

1988-ից Ռուբինե Հովհաննիսյանը սկսեց կատարել մի շարք թատերական ներկայացումների բեմի և զգեստների ձևավորում, դրանցից են.
 Մինկուսի ‹‹Դոն Քիշոտ››, Ա.Խաչատրյանի ‹‹Գայանե››, Բիզեյի ‹‹Կարմեն-Սյուիտ›› բալետը, Պիացոլայի ‹‹Տանգո›› և Էդգար Հովհաննիսյանի ‹‹Վարդանանք›› բալետային ներկայացումները` օպերայի և բալետի ազգային ակադեմիական թատրոնում:

Ծնվել է 1966 թ  Մարտի 26-ին   Երևանում:
1973-ից  1983թ  պարել է Երևանի «Կանազ» պարային անսամբլում:
1984թ-ին  աշխատանքի է անցել ‹‹Հայաստանի պարի պետական անսամբլում››` որպես պարող:
1987թ-ին ‹‹Հայաստանի պարարվեստի «Բարեկամություն» պետական անսամբլի›› հիմնադրման օրվանից աշխատում է անսամբլում` որպես բարձր կարգի պարող-մենակատար, փորձավար, այժմ արդեն գեղարվեստական ղեկավարի օգնական:

1994 – 2003թթ. աշխատել է «Բարեկամություն» պետական անսամբլում` որպես ժողովրդական  պարերի դասատու:
1995-ից ‹‹Հայաստանի պարարվեստի «Բարեկամություն» պետական անսամբլի›› փորձավարն է:
1995 – 1999թթ. աշխատանքին զուգահեռ, սովորել և ավարտել է Երևանի Կինոյի և թատրոնի պետական ինստիտուտի «Երաժշտական թատրոնի դերասան» բաժինը:
1997թ. ‹‹Երևանի Համազգային պետական թատրոնում›› բեմադրել է «Մեր մանկության պոեմը» ներկայացման պարերը:
1997թ. մենակատար և  խորեոգրաֆի ասիստենտն է եղել «Ավե Մարիա» երաժշտական միստերիայում:
1998թ. Աշխատել է Լոս Անջելեսի Համազգայինի «Անի» պարախմբում` որպես մենակատար-փորձավար: Մենապարել է Լ . Ճգնավորյանի «Կենտավրոսի մահը››,  Գ. Հախինյանի «Չարքերի ձորում» խորեոգրաֆիկ պատկերներում:
2001թ-ին հանդես է եկել առաջին հայկական «Գրիգոր Լուսովորիչ» ռոք օպերայում` Տրդատ երրորդի գլխավոր դերակատարմամբ:
2002թ-ին «Լիլիթ» փոփ օպերայում` Ադամի գլխավոր դերակատարմամբ: Հրաչյա Բադալյանը կատարել է անսամբլի պարացանկի մի շարք ցայտուն և հիշարժան մենակատարումներ, որոնցից են.  ‹‹Հրեական հարսանիք››, ‹‹Գնչուական›› զուգապարը, ‹‹Հնդկական սյուիտ›› և այլն:

2003 – 2007-թթ.   աշխատել է Ավստրալիայի Սիդնեյի պարախմբերում` որպես բեմադրող- փորձավար:
2007-ից  ‹‹Հայաստանի պարարվեստի «Բարեկամություն» պետական անսամբլի›› գեղարվեստական ղեկավարի օգնականն է:

Ծնվել է 1947թ Երևանում:
1960 – 1965թթ. սովորել և ավարտել է Պարարվեստի ուսումնարանի հայկական պարի բաժինը: 1965 – 1987 հանդես է եկել ‹‹Հայաստանի պարի պետական անսամբլում››` որպես մենապարուհի:
1984թ-ին արժանացել է ‹‹Հայաստանի վաստակավոր արտիստի›› կոչման: 1987թ-ին հրավիրվել է ‹‹Հայաստանի պարարվեստի ‹‹Բարեկամություն ‹‹ համույթ››` որպես պարուհի, իսկ 1997թ-ից` որպես փորձավար:

2003թ-ին Պարսկաստանից հրավիրվել է` որպես հայկական պարի մասնագետ, դասավանդելու հայ համայնքի երեխաներին:

Ծնվել է 1968թ-ի հունիսի 26-ին:
1977թ-ին ընդունվել է Երևանի պարարվեստի ուսումնարանի դասական պարի բաժինը: Ուսումը ավարտելուց անմիջապես հետո` 1986թ.-ին, աշխատանքի է ընդունվել ‹‹Հայաստանի պարի պետական անսամբլ››` որպես պարուհի: Մեկ տարի աշխատելուց հետո տեղափոխվել է Հայաստանի պարարվեստի ‹‹Բարեկամություն›› պետական անսամբլ, որտեղ և աշխատում է առ այսօր: 
 
Իր հիմնական աշխատանքից բացի, 1995թ-ից մինչև 2003թ-ը, Անահիտը համատեղությամբ աշխատել է ‹‹Բարեկամություն›› պետական անսամբլի ստուդիայում` որպես  դասական պարի դասատու և անսամբլի կազմը համալրող երիտասարդ պարողների նոր սերունդ է ուսուցանել:

Դրան զուգահեռ, 1995թ-ից մինչև 1999թ, աշխատել է Կինոյի և թատրոնի պետական ինստիտուտում` որպես պարարվեստի դասախոս: 2003թ-ից ի վեր Անահիտը ‹‹Բարեկամություն›› անսամբլում աշխատում է նաև որպես դասական պարի դասատու և փոձավար:  

1974թ-ին ընդունվել է Երևանի պարարվեստի ուսումնարանի դասական բաժինը, որը ավարտել է 1983թ-ին` բալետի դերասան մասնագիտությամբ:   Նույն թվականին ընդունվել է աշխատանքի Ռադիոյի և հեռուստատեսության բալետային խմբում` որպես պարող: 
1987թ-ին Հայաստանի պարարվեստի ‹‹Բարեկամություն›› պետական անսամբլի ստեղծման առաջին օրերից սկսել է աշխատել անսամբլում` որպես պարող-մենակատար: Անսամբլում աշխատելու տարիներին Հակոբ Մարգարյանի մենակատարումներից հատկապես հիշարժան են` ‹‹Առլեկինադան››, ‹‹Լոռեցի Սաքոն››, ‹‹Բախչիսարայի շատրվան››, ‹‹Սուսերով պարը››, ‹‹Կելուշարին››, ‹‹Ռուսական հավաքույթը››, ‹‹Խաղ պարը›› և ‹‹Հրեական հարսանիքը››:  Իր մասնակցությունն է ունեցել նաև այնպիսի պարերում, ինչպիսիք են ‹‹Լեռնցիները››, ‹‹Լեզգինկան››, ‹‹Բարեկամության›› ‹‹Դափնեն››, ‹‹Շալախոն››, ‹‹Հոպակը››, ‹‹Տարանտելլան››, ‹‹Վալսը››: